சமையல் அட்டகாசங்கள்

Please Subscribe My Channel and like, comment and share with your friends

Link  - Samaiyal attakaasam by JK Tube

மறந்து போன பழங்காலத்து சிறு தாணிய வகைகள் மீண்டும் இப்போது அனைவரும் பயன் படுத்த ஆரம்பித்து உள்ளனர். ரொம்ப நல்ல விஷியம், அரிசி உணவை தவிர்த்து , குதிரை வாலி, சாமை, வரகரிசி, தினை, கம்பு, கேழ்வரகு என்று பயன் படுத்தினால் சர்க்கரை வியாதி, கேன்சர் வியாதி, ஹார்ட் பிராப்ளம் போன்ற பல வியாதிகளில் இருந்து நம்மை காத்துக்கொள்ளலாம்.

இதில் நான் பயன் படுத்தி இருப்பது குதிரைவாலி Kuthirai vaali என்ற தாணியம், அந்த அளவுக்கு அரிசிக்கும் இதற்கும் பெரிய வித்தியாசம் தெரியவில்லை மிகவும் நன்றாக இருந்தது.

மஞ்சள் பாசி பருப்பு சேர்ப்பதை விட கொஞ்சம் ஹெல்தியாக முழு பாசி பயிறு சேர்த்து பாருங்கள் இன்னும் சுவை அதிகமாக இருக்கும்.

இதில் பொங்கல் போல பல காய்களைபயன் படுத்தியும் செய்யலாம்.

முழு பாசி பயிறு குதிரைவாலி பொங்கல்

மேலே உள்ள சுட்டியை கிளிக் செய்யவும் வீடியோவாக பார்க்கலாம்.

தேவையான பொருட்கள்

குதிரை வாலி அரிசி + பாஸ்மதி அரிசி - முக்கால் டம்ளர்
முழு பாசி பருப்பு - கால் டம்ளர்
உப்பு - தேவைக்கு

தாளிக்க

எண்ணை + நெய் - 4 தேக்கரண்டி
மிளகு - ஒரு தேக்கரண்டி
சீரகம் - ஒரு தேக்கரண்டி பொடியாக
அரிந்த பச்சமிளகாய் - ஒரு தேக்கரண்டி துருவிய
இஞ்சி - அரை தேக்கரண்டி பொடியாக அரிந்து
வறுத்த முந்திரி - ஒரு மேசைகரண்டி
கருவேப்பிலை - 5, 6 இதழ்

செய்முறை 

முழுபாசிபயிறை இரவே. அல்லது8 மணிநேரம் ஊற வைக்கவும்.
முழுபாசி பருப்பு மற்றும் குதிரை வாலி அரிசியை களைந்து ஊறவைக்கவும்.
குக்கரில் 3 டம்ளர் தண்ணீர் ஊற்றி கொதிக்க விடவும்.
நன்கு கொதி வந்ததும் ஊறிய அரிசி மற்றும் பருப்பை சேர்த்து முன்று
விசில் விட்டு இரக்கவும். குக்கர் ஆவி அடங்கியதும், சிறிது நெய் விட்டு கிளறி இரக்கவும்.
கடைசியாக தாளிக்க கொடுத்துள்ளவைகலை சேர்த்து வெந்த பொங்கலில் சேர்த்து கிளறி இரக்கவும்.

இதில் இன்னும் இனிப்பு பொங்கல், அடை, கொழுக்கட்டை, ரொட்டி போன்றவை தயாரிக்கலாம். நோன்பு கஞ்சி செய்தவதில் அரிசிகூட இந்த குதிரை வாலியும் பாதிக்கு பாதி சேர்த்து செய்யலாம்.இல்லை கஞ்சியே இந்த தாணியத்தில் செய்யலாம். நான் செய்து பார்த்தேன் மிக அருமையாக இருந்தது. இதில் கிச்சிடி, முறுக்கு , சத்துமாவு, பாயசம் போன்றவை தயாரிக்கலாம்.

கவனிக்க: இந்த தாணியவகைகள் கிடைக்கும் இடம் சென்னையில் நீல்கிரீஸ் , ஒரு கிலோ 65 ரூபாய் என்று நினைக்கிறேன்.
ஆயத்த நேரம்: 10 நிமிடம் + ஊறவைக்கும் நேரம்
சமைக்கும் நேரம் : 10 நிமிடம்
பரிமாறும் அளவு - 3 நபர்களுக்கு

இது வீடியோவாக எடுத்ததால் போட்டோ எடுக்கல ஸ்கீர்ன் ஷாட் தான் போஸ்ட் பண்ணி இருக்கேன்.

Kuthirai vaali pongal/Breakfast Recipes/Millet recipes.